ما بيعرف يجدّل

جدّلي شعري. بدّي جدّولة. وحدة بس, مش اثنتين. بس جدّولة وحدة.

ظفيرة

أو سنبلة. ما بعرف. حطْ إيدك بشعري. هيك روس أصابعك على جلدة راسي.

لا مش عجنب. ما بدي الجدّولة على جنب, بدي ياها تنزل على ظهري. يعني شعري مش طويل كثير بس هيك حابة الجدولة تنزل على ظهري.

لازم جدّل شعري منشان الشوب. شوب كثير و شكلة الجو مش حيتحسّن. الله و الحكومة عم يتآمروا علينا. لما يبرد الجو شوي, بتجي الكهربا كثير, بس لما الهوا يصير كأنك جوا مايكرويف –عارف عليّ- بتصير تجي الكهربا أغلب النهار.

المهم هلق, جدلي شعري. مشطته اليوم منشان هالشغلة.